Setu echuet Paker Tour an hañv-mañ. Breizh, Bro C’hall, Damemark, Bro Skos, Spagn… war an hent omp bet kalz ha plijadur e-leizh ‘zo bet !
Trugarez vras d’an holl aozerien ha festivalioù o deus bet degemeret ac’hanomp.
Trugarez da Yann Pelliet, Erwan Le Gars, Paker Prod.
Trugarez d’hon deknikourien: Ludovic Mesnil, Ronan Fouquet, Yann Barbay, Ludovic Florez.
Ha trugarez vras deoc’h holl c’hwi arvesterien hag a zo bet o wellet ac’honomp e lec’h mañ lec’h.
An abadenn gentañ da zont a vo d’ar sadorn 28/09 e Pleurestud (35).
Roll deiziadoù fin ar bloaz a zo war hol lec’hienn : www.startijenn.bzh.
Startijenn & Cyril Atef, danvez-tarzh krouet en ur meskañ ar strollad festoù-noz milanavezet gant ur mailh war « jedoniezh an tosañ » : Cyril Atef e anv, gant ar batri, ar vouezh hag an talmoù elektronek.
Diwallit ! War gresk ez aio an trañs, kaset da benn gant levezonioù a bep-seurt ha nerzhioù dastumet tro-war-dro gant paotr barrek ar Groove hag ar sonioù hollvedel. (Great Black Music, Afrika, Antilhez, Broioù ar sav-heol, Brezil, Jungle, Rock).
Cyril Atef, arzour etrevroadel ampart, a zo gouest da gemer perzh e kement raktres a zo en Underground (Olympic Gramofon, Bumcello ) kement hag er sonerezhioù poblel boutin (-M-, Bernard Lavilliers, Alain Bashung, Salif Keita).
Lidet e vo bed ar Fest-Noz en ur mod Funk-Voodou gant sikour ur pezh mell « Sorser-Talmer » trelatet prest da zieubiñ energiezhioù foll an arvesterien !
